| | ᠊᠊᠊᠊᠊᠊ ᠵᠠᠷᠤᠳ ᠬᠤᠰᠢᠭᠤᠨ ᠤ ᠳᠤᠯᠤᠳᠤ ᠰᠤᠮᠤ ᠪᠤᠶᠤ ᠳᠤᠯᠤᠳᠤ ᠭᠠᠴᠠᠭᠠ ᠶᠢᠨ ᠨᠡᠷᠡ ᠶᠢᠨ | ᠲᠤᠬᠠᠢ ᠲᠡᠮᠲᠡᠭᠯᠡᠪᠡ | | ᠵᠠᠷᠤᠳ ᠬᠤᠰᠢᠭᠤᠨ ᠤ ᠵᠡᠬᠦᠨ ᠡᠮᠦᠨᠡ ᠪᠡᠶᠡ ᠪᠠᠷ ᠳᠤᠯᠤᠲᠤ ᠰᠤᠮᠤ ᠬᠡᠮᠡᠬᠦ ᠨᠢᠬᠡᠨ ᠰᠠᠶᠢᠬᠠᠨ ᠨᠤᠲᠤᠭ | ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠢᠶᠠᠷ ᠲᠤᠯᠤᠲᠦ ᠭᠡᠵᠦ᠂ ᠬᠢᠲᠠᠳ ᠢᠶᠠᠷ ︽道老杜︾ ᠭᠡᠵᠦ ᠪᠢᠴᠢᠵᠦ ᠵᠠᠩᠰᠢᠵᠠᠢ᠃ | ᠲᠡᠭᠡᠪᠡᠯ ᠡᠨᠡ ᠳᠤᠯᠤᠲᠤ ᠭᠡᠳᠡᠭ ᠨᠢ ᠴᠤᠬᠤᠮ ᠶᠠᠮᠠᠷ ᠦᠬᠡ ᠪᠤᠢ︖ ᠡᠨᠡ ᠨᠡᠷᠡ ᠶᠠᠭᠠᠬᠢᠵᠦ ᠢᠷᠡᠭᠰᠡᠨ ᠪᠤᠢ︖ | ᠶᠠᠭ ᠳᠤᠯᠤᠳᠤ ᠭᠡᠳᠡᠭ ᠡᠨᠡ ᠬᠦ ᠪᠢᠴᠢᠯᠬᠡ ᠠᠴᠠ ᠨᠢ ᠤᠴᠢᠷ ᠢ ᠨᠢ ᠤᠯᠬᠤ ᠳᠤ ᠮᠦᠨ ᠬᠦᠴᠢᠷᠳᠡᠬᠦ ᠪᠤᠯᠤᠭᠰᠠᠨ ᠨᠢ | ᠮᠡᠳᠡᠭᠡᠵᠢ᠃ ᠡᠨᠡ ᠲᠤᠬᠠᠢ ᠪᠠᠶᠢᠲᠠᠯ ᠢ ᠤᠢᠢᠯᠠᠭᠠᠬᠤ ᠪᠠᠷ ᠪᠢᠳᠡ ᠳᠤᠯᠤᠳᠤ ᠰᠤᠮᠤ ᠳᠤ ᠬᠦᠷᠴᠦ ᠳᠤᠯᠤᠲᠤ | ᠭᠠᠴᠠᠭᠠ ᠶᠢᠨ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠢ ᠰᠤᠷᠪᠤᠯᠵᠢᠯᠠᠪᠠ᠃ ᠡᠨᠡ ᠵᠢᠯ ᠳᠠᠯᠠᠨ ᠭᠤᠷᠪᠠᠲᠠᠢ ᠲᠤᠭᠲᠠᠨᠪᠠᠶᠠᠷ | ᠨᠠᠰᠤᠲᠠᠨ ᠪᠤᠯ ᠳᠤᠯᠤᠲᠤ ᠭᠠᠴᠠᠭᠠ ᠳᠤ ᠲᠦᠷᠦᠵᠦ ᠦᠰᠦᠭᠰᠡᠨ ᠬᠦᠮᠦᠨ᠃ ᠬᠦᠷᠦᠰᠦᠯᠢᠭ ᠪᠤᠷᠤ ᠴᠢᠷᠠᠢ ᠲᠠᠢ᠂ | ᠨᠠᠮᠬᠠᠨ ᠪᠡᠶᠡ ᠲᠠᠢ ᠲᠡᠷᠡ ᠡᠪᠦᠬᠡᠨ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠬᠦᠯᠢᠶᠡᠬᠦ ᠳᠡᠭᠡᠨ ᠢᠡᠭᠭᠢᠵᠦ ᠶᠠᠷᠢᠯᠠ᠃ | | | ᠊᠊᠊᠊ ᠮᠠᠨ ᠤ ᠳᠡᠭᠡᠳᠦ ᠶᠢᠨ ᠨᠤᠲᠤᠭ ᠪᠤᠯ ᠲᠦᠮᠡᠳ᠂ ᠮᠢᠨᠦ ᠡᠪᠦᠭᠡ ᠶᠢᠨ ᠦᠶᠡ ᠳᠤ ᠡᠨᠡ ᠨᠤᠲᠤᠭ ᠲᠤ | ᠨᠡᠬᠦᠵᠦ ᠢᠷᠡᠵᠡᠢ᠃ ᠡ᠊ᠨᠳᠡ ᠢᠷᠡᠬᠦ ᠳᠤ ᠮᠢᠨᠦ ᠠᠪᠤ ᠰᠠᠶ᠋ᠢ ᠶᠢᠰᠦᠨ ᠨᠠᠰᠤᠲᠠᠢ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠠᠪᠤ ᠮᠢᠨᠢ | ᠳᠠᠯᠠᠢ ᠭᠡᠳᠡᠭ ᠨᠡᠷᠡ ᠲᠠᠢ᠂ ᠲᠦᠮᠡᠳ ᠠᠴᠠ ᠢᠷᠡᠭᠰᠡᠨ ᠪᠤᠯᠬᠤᠷ ᠨᠤᠲᠤᠭ ᠤᠨ ᠬᠦᠮᠦᠰ ᠪᠦᠷ ᠲᠦᠮᠡᠳ ᠳᠠᠯᠠᠢ ᠭᠡᠵᠦ | ᠳᠠᠭᠤᠳᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠠᠪᠤ ᠮᠢᠨᠢ ᠪᠠᠶᠢᠭᠰᠠᠨ ᠪᠤᠯ 108 ᠨᠠᠰᠤᠲᠠᠢ᠂ ᠢᠡᠭᠭᠢᠵᠦ ᠪᠤᠳᠤᠪᠠᠯ ᠪᠢᠳᠡ ᠴᠢᠨᠢ | ᠡᠨᠡ ᠨᠤᠲᠤᠭ ᠲᠤ ᠪᠠᠰᠠ ᠪᠠᠷᠤᠭ ᠵᠠᠭᠤᠨ ᠤᠨ ᠪᠤᠯᠴᠢᠬᠠᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠮᠢᠨᠦ ᠨᠠᠭᠠᠴᠤ ᠡᠮᠡᠭᠡ ᠪᠤᠯ | ᠪᠠᠷᠠᠭᠤᠨ ᠭᠠᠷ ᠵᠠᠷᠤᠳ ᠸᠠᠩ ᠤᠨ ᠦᠬᠢᠨ᠂ ᠪᠠᠰᠠᠬᠦᠦ ᠭᠡᠳᠡᠭ ᠨᠡᠷᠡ ᠲᠠᠢ᠂ ᠦᠯᠢᠬᠡᠷ ᠲᠡᠦᠬᠡ ᠶᠡᠭᠡ ᠮᠡᠳᠡᠳᠡᠭ | ᠬᠦᠮᠦᠨ᠃ ᠮᠡᠦ ᠲᠡᠷᠢᠬᠦᠯᠡᠭᠴᠢ ᠠᠴᠠ 12 ᠨᠠᠰᠤ ᠠᠬᠠ ᠭᠡᠰᠡᠨ ᠢᠶᠠᠷ ᠨᠢ ᠪᠤᠳᠤᠪᠠᠯ ᠵᠠᠭᠤ ᠳᠦᠴᠢ ᠤᠷᠴᠢᠮ ᠤᠨ | ᠵᠢᠯ ᠤᠨ ᠡᠮᠦᠨᠡᠬᠢ ᠬᠦᠮᠦᠨ ᠳ᠋ᠠ᠃ ᠲᠡᠬᠦᠨ ᠤ ᠬᠡᠯᠡᠬᠦ ᠪᠠᠷ ᠮᠠᠨ ᠤ ᠡᠨᠡ ᠳᠤᠯᠤᠲᠤ ᠭᠡᠳᠡᠭ ᠨᠡᠷᠡ ᠤᠳᠤ ᠶᠢᠨ | ᠰᠢᠯᠢᠩᠬᠤᠲᠠ ᠶᠢᠨ ᠠᠷᠤ ᠳᠠᠬᠢ ᠳᠤᠯᠤᠨᠨᠠᠭᠤᠷ ᠰᠢᠶᠠᠨ ᠤ ᠨᠡᠷᠡ ᠲᠠᠢ ᠬᠠᠮᠢᠶᠠᠲᠠᠢ᠂ ᠲᠡᠨᠳᠡ ᠠᠴᠠ ᠰᠠᠯᠵᠦ ᠭᠠᠷᠴᠦ | ᠢᠷᠡᠭᠰᠡᠨ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠡ᠊ᠨᠳᠡ ᠰᠠᠭᠤᠭᠰᠠᠨ ᠠᠴᠠ ᠳᠤᠯᠤᠳᠤ ᠭᠡᠬᠦ ᠨᠡᠷᠡ ᠲᠠᠢ ᠪᠤᠯᠤᠭᠰᠠᠨ ᠭᠡᠨᠡ ᠭᠡᠵᠦ | ᠲᠤᠭᠲᠠᠨᠪᠠᠶᠠᠷ ᠨᠠᠰᠤᠲᠠᠨ ᠨᠠᠭᠠᠴᠤ ᠡᠮᠡᠭᠡ ᠠᠴᠠ ᠪᠠᠨ ᠰᠤᠨᠤᠰᠤᠭᠰᠠᠨ ᠢᠶᠠᠨ ᠪᠢᠳᠡᠨ ᠳᠤ ᠬᠡᠯᠡᠵᠦ ᠦᠭᠪᠡ᠃ | ᠲᠤᠭᠲᠠᠨᠪᠠᠶᠠᠷ ᠨᠠᠰᠤᠲᠠᠨ ᠪᠠᠰᠠ ᠳᠤᠯᠤᠳᠤ ᠭᠡᠳᠡᠭ ᠭᠠᠵᠠᠷ ᠨᠡᠯᠢᠶᠡᠳ ᠬᠡᠳᠦ ᠪᠠᠶᠢᠬᠤ ᠪᠦᠬᠡᠳ ᠳᠡᠭᠡᠷᠡ᠂ | ᠳᠤᠮᠳᠠ᠂ ᠳᠤᠤᠷᠠ ᠭᠡᠵᠦ ᠬᠤᠪᠢᠶᠠᠨᠠ᠂ ᠵᠠᠷᠤᠳ ᠬᠤᠰᠢᠭᠤᠨ ᠤ ᠡᠨᠡ ᠲᠤᠯᠤᠳᠤ ᠶᠢ ᠳᠡᠭᠡᠷᠡ ᠳᠤᠯᠤᠳᠤ ᠭᠡᠵᠦ | ᠬᠡᠯᠡᠳᠡᠭ ᠪᠦᠬᠡᠳ ᠳᠤᠮᠳᠠ ᠳᠤᠯᠤᠳᠤ ᠨᠢ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ ᠶᠢᠨ ᠠᠷᠤ ᠶᠢᠨ ᠶᠤᠤ ᠪᠤᠷᠤᠳᠤ ᠶᠢᠨ ᠤᠷᠴᠢᠮ | ᠪᠠᠶᠢᠭᠰᠠᠨ᠂ ᠳᠤᠤᠷᠠ ᠳᠤᠯᠤᠳᠤ ᠨᠢ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤ ᠳᠤ ᠪᠠᠶᠢᠵᠦ᠂ | ᠬᠤᠭᠤᠷᠤᠨᠳᠦ ᠪᠠᠨ ᠪᠦᠷ ᠬᠠᠷᠢᠴᠠᠭᠠ ᠲᠠᠢ ᠭᠡᠵᠦ ᠰᠤᠨᠤᠰᠴᠠᠢ᠃ | ᠬᠠᠨ ᠴᠢ ᠶᠢᠨ ᠭᠤᠸᠠᠢ ᠡᠨᠡ ᠵᠢᠯ 70 ᠨᠠᠰᠤᠲᠠᠢ᠂ ᠲᠡᠳᠡᠨ ᠤ ᠬᠢᠨ ᠴᠤ ᠡᠨᠡ ᠲᠤᠯᠤᠳᠤ ᠭᠠᠴᠠᠭᠠ ᠳᠤ | ᠰᠠᠭᠤᠷᠢᠰᠢᠭᠠᠳ ᠭᠤᠷᠪᠠᠨ ᠦᠶᠡ ᠪᠤᠯᠵᠦ ᠪᠠᠶᠢᠨᠠ᠃ ᠬᠠᠨ ᠴᠢ ᠶᠢᠨ ᠭᠤᠸᠠᠢ ᠲᠤᠭᠲᠠᠨᠪᠠᠶᠠᠷ ᠨᠠᠰᠤᠲᠠᠨ ᠤ | ᠦᠵᠡᠯᠲᠡ ᠶᠢ ᠶᠠᠭ ᠵᠦᠪᠰᠢᠶᠡᠷᠡᠬᠦ ᠦᠬᠡᠢ᠂ ᠡᠶᠢᠮᠦ ᠲᠠᠶᠢᠯᠪᠤᠷᠢ ᠶᠢ ᠲᠡᠷᠡ ᠰᠠᠶ᠋ᠢ ᠰᠤᠨᠤᠰᠴᠤ ᠪᠠᠶᠢᠭᠠ ᠶᠤᠮ ᠭᠡᠨᠡ᠃ | ᠲᠡᠬᠦᠨ ᠤ ᠰᠤᠨᠤᠰᠤᠭᠰᠠᠨ ᠢᠶᠠᠷ ᠪᠤᠯ᠂ ᠡᠨᠡ ᠳᠤᠯᠤᠲᠤ ᠳᠤ ᠬᠠᠮᠤᠭ ᠡᠷᠲᠡ ᠳᠡᠭᠡᠨ ᠪᠤᠤ ᠤᠪᠤᠭᠲᠤ ᠠᠬᠠ ᠳᠡᠬᠦᠦ | ᠲᠤᠯᠤᠭᠤᠯᠠ ᠪᠠᠨ ᠳᠤᠯᠤᠭᠠᠨ ᠡᠷᠦᠬᠡ ᠪᠤᠯᠵᠦ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠪᠦᠬᠡᠳ ᠬᠠᠮᠤᠭ ᠪᠠᠭᠠ ᠶᠢᠨ ᠬᠢᠨᠢ ᠨᠡᠷᠡ ᠨᠢ | ᠳᠤᠯᠤᠭᠠᠳᠠᠢ ᠭᠡᠳᠡᠭ᠃ ᠵᠠᠷᠢᠮ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠨᠢ ᠲᠡᠳᠡᠭᠡᠷ ᠠᠬᠠ ᠳᠡᠬᠦᠦ ᠲᠤᠯᠤᠭᠤᠯᠠ ᠶᠢ ᠪᠠᠰᠠ | ᠵᠤᠷᠢᠬᠲᠤ ᠸᠠᠩ ᠤᠭᠱᠠᠨ ᠤ ᠦᠷᠡ ᠬᠡᠦᠬᠡᠳ ᠪᠤᠶᠤ ᠬᠤᠶᠢᠴᠢ ᠦᠶᠡ ᠨᠢ ᠭᠡᠬᠦ ᠮᠡᠲᠦ ᠪᠠᠷ ᠶᠠᠷᠢᠳᠠᠭ ᠠᠵᠢ᠃ | ᠊᠊᠊᠊ ᠮᠢᠨᠦ ᠡᠮᠡᠭᠡ ᠡᠵᠢ ᠶᠢᠨ ᠨᠡᠷᠡ ᠶᠢ ᠰᠠᠮᠠᠭᠠ ᠭᠡᠳᠡᠭ᠂ ᠳᠠᠷᠤᠢ ᠲᠡᠳᠡᠭᠡᠷ ᠪᠤᠤ ᠤᠪᠤᠭᠲᠤ ᠳᠤᠯᠤᠭᠠᠨ | ᠡᠷᠦᠬᠡ ᠶᠢᠨ ᠬᠤᠶᠢᠴᠢᠰ ᠪᠤᠯᠤᠨᠠ᠃ ᠪᠢ ᠦᠪᠡᠷ ᠢᠶᠠᠨ ᠪᠠᠢ ᠤᠪᠤᠭ ᠲᠠᠢ᠂ ᠮᠢᠨᠦ ᠡᠯᠦᠨᠴᠡ ᠶᠢᠨ ᠦᠶᠡ ᠳᠤ ᠤᠯᠠᠭᠠ | ᠦᠷᠲᠡᠭᠡ ᠳᠠᠮᠵᠢᠨ ᠮᠤᠷᠢ ᠤᠨᠤᠵᠦ ᠪᠢᠴᠢᠭ ᠬᠦᠷᠭᠡᠳᠡᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠲᠠᠪᠢᠨ ᠭᠠᠵᠠᠷ ᠤᠨ ᠦᠵᠦᠬᠦᠷ ᠲᠤ | ᠨᠢᠬᠡ ᠦᠷᠲᠡᠭᠡ ᠪᠠᠶᠢᠳᠠᠭ ᠪᠦᠬᠡᠳ ᠲᠠᠪᠢᠨ ᠭᠠᠵᠠᠷ ᠪᠤᠯᠪᠠᠯ ᠨᠢᠬᠡ ᠮᠤᠷᠢ ᠰᠤᠯᠢᠵᠦ ᠤᠨᠤᠳᠠᠭ ᠪᠠᠶᠢᠭᠰᠠᠨ ᠢᠶᠠᠷ | ᠪᠢᠳᠡᠨ ᠢ ᠬᠦᠮᠦᠰ ᠪᠠᠰᠠ ᠤᠶᠠᠭᠠᠨ ᠲᠠᠪᠢᠨ ᠤ ᠪᠠᠢ ᠤᠪᠤᠭᠲᠠᠨ ᠭᠡᠳᠡᠭ ᠭᠡᠵᠦ ᠳᠤᠯᠤᠳᠤ ᠭᠠᠴᠠᠭᠠᠨ ᠤ ᠭᠠᠴᠠᠭᠠᠨ | ᠳᠠᠷᠤᠭᠠ ᠡᠷᠳᠡᠨᠢᠪᠠᠶᠠᠷ ᠶᠠᠷᠢᠵᠦ ᠪᠠᠶᠢᠪᠠ᠃ | | ᠡᠨᠡ ᠵᠢᠯ ᠵᠢᠷᠠᠨ ᠲᠠᠪᠤᠲᠠᠢ ᠪᠤᠤ ᠬᠤᠤᠰᠪᠠᠶᠠᠷ ᠪᠤᠯ ᠳᠠᠷᠤᠢ ᠡ᠊ᠨᠳᠡ ᠬᠠᠮᠤᠭ ᠡᠷᠲᠡ ᠢᠷᠡᠵᠦ ᠰᠠᠭᠤᠷᠢᠰᠢᠭᠰᠠᠨ | ᠲᠡᠷᠡ ᠳᠤᠯᠤᠭᠠᠨ ᠡᠷᠦᠬᠡ ᠶᠢᠨ ᠬᠤᠶᠢᠴᠢ ᠦᠶᠡ ᠭᠡᠨᠡ᠃ ᠡᠷᠲᠡ ᠳᠡᠭᠡᠨ ᠬᠦᠮᠦᠨ ᠦᠬᠦᠪᠡᠯ ᠤᠡᠭᠭᠤᠨ ᠪᠤᠯᠠᠰᠢ | ᠲᠤᠭᠲᠠᠭᠠᠳᠠᠭ ᠦᠬᠡᠢ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠡᠨᠡ ᠨᠤᠲᠤᠭ ᠲᠤ ᠢᠷᠡᠭᠡᠳ ᠴᠤᠬᠤᠮ ᠬᠡᠳᠦᠢ ᠦᠶᠡ ᠰᠠᠭᠤᠵᠦ | ᠪᠠᠶᠢᠬᠤ ᠪᠠᠨ ᠴᠤ ᠮᠡᠳᠡᠬᠦ ᠪᠠᠨ ᠪᠤᠯᠢᠵᠡᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠲᠡᠳᠡᠨ ᠤ ᠳᠡᠭᠡᠳᠦᠰ ᠡᠨᠡ ᠨᠤᠲᠤᠭ ᠲᠤ ᠬᠠᠮᠤᠭ | ᠡᠷᠲᠡ ᠢᠷᠡᠵᠦ ᠰᠠᠭᠤᠷᠢᠰᠢᠭᠰᠠᠨ ᠭᠡᠳᠡᠭ ᠢᠶᠠᠨ ᠲᠡᠷᠡ ᠮᠡᠳᠡᠨᠡ᠃ ᠲᠡᠳᠡᠨ ᠤ ᠤᠭᠰᠠᠭᠠᠨ ᠠᠴᠠ ᠪᠠᠰᠠ ᠮᠠᠩᠬᠠᠨ | ᠬᠦᠡᠭ ᠭᠡᠳᠡᠭ ᠨᠢᠬᠡ ᠬᠦᠡᠭ ᠭᠠᠷᠤᠭᠰᠠᠨ ᠪᠦᠬᠡᠳ ᠲᠡᠷᠡ ᠨᠢ ᠪᠤᠤ ᠬᠤᠤᠰᠪᠠᠶᠠᠷ ᠤᠨ ᠡᠯᠦᠨᠴᠡ ᠲᠠᠢ ᠨᠢ ᠠᠬᠠ | ᠳᠡᠬᠦᠦ ᠬᠤᠶᠠᠭᠤᠯᠠ ᠶᠢᠨ ᠬᠡᠦᠬᠡᠳ ᠭᠡᠳᠡᠭ ᠢ ᠪᠤᠤ ᠬᠤᠤᠰᠪᠠᠶᠠᠷ ᠡᠪᠦᠭᠡ ᠠᠴᠠ ᠪᠠᠨ ᠰᠤᠨᠤᠰᠴᠠᠢ᠃ | ᠊᠊᠊᠊ ᠤᠤᠯ ᠨᠢ ᠳᠤᠯᠤᠲᠤ ᠶᠢ ᠪᠠᠭᠲᠠᠭᠠᠭᠰᠠᠨ ᠨᠡᠯᠢᠶᠡᠳ ᠶᠡᠭᠡ ᠬᠡᠪᠴᠢᠶᠡ ᠲᠠᠢ ᠭᠠᠵᠠᠷ ᠢ ᠠᠷᠤ ᠮᠠᠩᠬᠠ ᠭᠡᠵᠦ | ᠬᠡᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠬᠡᠳ ᠮᠠᠨ ᠤ ᠲᠡᠷᠡ ᠬᠦᠡᠭ ᠪᠤᠯᠤᠭᠰᠠᠨ ᠡᠯᠦᠨᠴᠡ ᠶᠢ ᠠᠷᠤ ᠮᠠᠩᠬᠠ ᠬᠦᠡᠭ ᠪᠤᠶᠤ ᠮᠠᠩᠬᠠᠨ | ᠬᠦᠡᠭ ᠭᠡᠵᠦ ᠳᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠨᠡᠷᠡ ᠶᠢ ᠨᠢ ᠪᠢ ᠳᠤᠳᠤᠷᠬᠠᠢ ᠮᠡᠳᠡᠬᠦ ᠦᠬᠡᠢ ᠪᠤᠯᠵᠠᠢ᠃ ᠡ᠊ᠨᠳᠡ ᠠᠴᠠ | ᠨᠡᠯᠢᠶᠡᠳ ᠬᠤᠶᠢᠰᠢ ᠪᠠᠨ ᠶᠠᠪᠤᠪᠠᠯ ᠠᠭᠤᠯᠠ ᠬᠦᠡᠭ ᠤᠨ ᠨᠤᠲᠤᠭ ᠪᠤᠯᠴᠢᠬᠠᠳᠠᠭ ᠪᠦᠬᠡᠳ ᠲᠡᠨᠳᠡᠬᠢ ᠬᠦᠡᠭ | ᠨᠤᠶᠠᠨ ᠢ ᠨᠢ ᠠᠭᠤᠯᠠ ᠬᠦᠡᠭ ᠭᠡᠵᠦ ᠳᠠᠭᠤᠳᠠᠵᠦ ᠪᠠᠶᠢᠵᠠᠢ᠃ ᠪᠤᠳᠤᠪᠠᠯ ᠡᠵᠡᠯᠡᠭᠰᠡᠨ ᠭᠠᠵᠠᠷ ᠤᠨ ᠪᠠᠶᠢᠳᠠᠯ ᠢᠶᠠᠷ ᠨᠢ | ᠲᠡᠭᠡᠵᠦ ᠬᠡᠯᠡᠭᠰᠡᠨ ᠪᠠᠶᠢᠬᠠ᠂ ᠮᠠᠨ ᠤ ᠡᠨᠡ ᠨᠤᠲᠤᠭ ᠲᠤ ᠮᠠᠩᠬᠠ ᠵᠢᠯᠠᠭᠠ ᠠᠷᠪᠢᠨ ᠪᠠᠶᠢᠬᠤ ᠳᠤ ᠬᠤᠶᠢᠰᠢ ᠪᠠᠨ | ᠶᠠᠪᠤᠪᠠᠯ ᠠᠭᠤᠯᠠ ᠠᠷᠪᠢᠨ ᠪᠤᠯᠴᠢᠬᠠᠨᠠ ᠭᠡᠵᠦ ᠪᠤᠤ ᠬᠤᠤᠰᠪᠠᠶᠠᠷ ᠨᠠᠰᠤᠲᠠᠨ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳᠡᠭᠡᠨ | ᠬᠡᠯᠡᠵᠦ ᠪᠠᠶᠢᠪᠠ᠃ | | |