| | ᠠᠯᠲᠠᠨ ᠰᠢᠷᠭᠤᠭᠤᠯ ᠠᠭᠤᠯᠠᠨ ᠤ ᠲᠠᠷᠪᠠ ᠶᠢᠨ ᠰᠢᠷᠭᠤᠭᠤᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠠᠳᠠᠨ ᠤ | ᠠᠩᠭᠠᠯ ᠳᠤ ᠨᠢᠭᠡ ᠠᠶᠠᠨᠳᠠᠭᠠᠨ ᠪᠦᠲᠦᠭᠰᠡᠨ ᠵᠢᠵᠢᠭ ᠠᠭᠤᠢ ᠪᠤᠢ᠃ ᠲᠡᠷᠡ ᠠᠭᠤᠢ ᠶᠢ ︽ᠳᠣᠲᠣᠷ ᠪᠦᠭᠡᠷᠡ ᠶᠢᠨ | ᠳ᠋ᠦᠩ︾ ᠭᠡᠳᠡᠭ᠃ ᠨᠤᠭᠤᠭᠠᠨ ᠳ᠋ᠠᠷᠠ ᠡᠬᠡ᠂ ᠭᠡᠰᠡᠷ ᠪᠤᠭᠲᠠ ᠪᠣᠯᠣᠨ ᠥᠬᠢᠨ ᠲᠡᠭᠷᠢ ᠶᠢᠨ ᠵᠠᠯᠠᠯᠭᠠ ᠪᠠᠷ ᠠᠯᠲᠠᠨ | ᠰᠢᠷᠭᠤᠭᠤᠯ ᠳᠤ ᠢᠷᠡᠵᠦ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠠᠮᠢᠯᠠᠭᠤᠯᠬᠤ ᠳᠠᠭᠠᠨ ᠭᠠᠭᠴᠠ ᠬᠡᠲᠦ ᠶᠢᠨ ᠪᠢᠰᠢᠯᠭᠠᠯ | ᠱᠠᠰᠢᠨ ᠤ ᠷᠢᠳᠢ ᠰᠢᠳᠢ ᠪᠠᠷ ᠪᠦᠲᠦᠭᠡᠯᠭᠡ ᠬᠢᠵᠦ ᠠᠭᠤᠢ ᠰᠢᠷᠭᠤᠭᠤᠯ ᠤᠳ ᠢ ᠠᠮᠢᠯᠠᠭᠤᠯᠣᠭᠰᠠᠨ ᠲᠡᠳᠦᠢ ᠯᠡ ᠪᠢᠰᠢ᠂ | ᠲᠡᠷᠡ ᠪᠠᠰᠠ ᠳᠣᠷᠣᠨᠠᠲᠤ ᠠᠷᠢᠭᠤᠨ ᠪᠢᠳᠦᠷᠶᠠ ᠣᠷᠣᠨ ᠤ ᠣᠲᠠᠴᠢ ᠪᠤᠷᠬᠠᠨ ᠠᠴᠠ ᠬᠠᠪᠰᠣᠷᠣᠮᠵᠢ ᠭᠤᠶᠣᠵᠤ᠂ | ᠬᠠᠷᠠ ᠲᠡᠷᠢᠭᠦᠳᠡᠨ ᠤ ᠪᠡᠶᠡ ᠶᠢᠨ ᠬᠠᠮᠲᠤ ᠲᠦᠷᠦᠳᠡᠭ ᠳᠥᠷᠪᠡᠨ ᠵᠠᠭᠤ ᠪᠦᠭᠡᠳ ᠳᠥᠷᠪᠡᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠢ | ᠵᠠᠰᠠᠬᠤ ᠨᠢᠭᠡ ᠵᠠᠭᠤ ᠳᠥᠴᠢᠨ ᠶᠢᠰᠦᠨ ᠲᠥᠷᠦᠯ᠂ ᠮᠢᠩᠭᠠ ᠭᠤᠷᠪᠠᠨ ᠵᠠᠭᠤ ᠵᠦᠢᠯ ᠤᠨ ᠠᠮᠢᠲᠣ ᠪᠣᠳᠠᠰ ᠢ ᠣᠯᠵᠤ | ᠠᠪᠴᠢᠷᠠᠭᠠᠳ ᠡᠨᠡ ᠠᠭᠤᠯᠠᠨᠠ ᠰᠠᠴᠣᠵᠠᠢ᠃ ᠲᠡᠭᠡᠭᠡᠳ ᠡᠷᠳᠡᠨᠢ ᠶᠢᠨ ᠡᠮ᠂ ᠴᠢᠯᠠᠭᠤᠨ ᠡᠮ᠂ ᠰᠢᠷᠦᠢ ᠶᠢᠨ ᠡᠮ᠂ | ᠤᠰᠤᠨ ᠡᠮ᠂ ᠡᠪᠡᠰᠦᠨ ᠡᠮ᠂ ᠮᠤᠳᠣᠨ ᠡᠮ᠂ ᠠᠮᠢᠲᠠᠨ ᠠᠴᠠ ᠭᠠᠷᠳᠠᠭ ᠡᠮ ᠪᠦᠷᠢᠳᠴᠦ᠂ ᠠᠷᠠᠳ ᠢᠷᠭᠡᠳ ᠤᠨ | ᠡᠪᠡᠳᠴᠢᠨ ᠲᠠᠬᠤᠯ ᠢ ᠡᠳᠡᠭᠡᠬᠦ ᠷᠠᠰᠢᠶᠠᠨ ᠠᠭᠤᠯᠠ ᠪᠣᠯᠣᠭᠰᠠᠨ ᠠᠵᠣᠭᠤ᠃ ᠡᠨᠡ ᠳ᠋ᠦᠩ ᠪᠣᠯ ᠳᠠᠷᠤᠢ ᠨᠣᠭᠤᠭᠠᠨ | ᠳ᠋ᠠᠷᠠ ᠡᠬᠡ ᠶᠢᠨ ᠠᠮᠢᠯᠠᠭᠤᠯᠣᠭᠰᠠᠨ ᠳᠣᠲᠣᠷ ᠪᠦᠭᠡᠷᠡ ᠶᠢᠨ ᠡᠪᠡᠳᠴᠢᠨ ᠪᠦᠬᠦᠨ ᠢ ᠵᠠᠰᠠᠬᠤ ᠳ᠋ᠦᠩ ᠪᠤᠯᠤᠨᠠ᠃ ᠡᠨᠡ | ᠳ᠋ᠦᠩ ᠤᠨ ᠳᠣᠲᠣᠷᠠᠬᠢ ᠴᠢᠯᠠᠭᠤ ᠰᠢᠷᠤᠢ ᠪᠣᠯ ᠪᠦᠬᠦᠨ ᠢᠶᠠᠷ ᠢᠶᠠᠨ ᠪᠦᠭᠡᠷᠡ ᠶᠢᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠡᠮ ᠶᠣᠮ | ᠭᠡᠨᠡ᠃ ᠴᠢᠯᠠᠭᠤ ᠶᠢ ᠨᠢ ᠤᠰᠤᠨ ᠳᠤ ᠴᠢᠢᠯᠠᠵᠤ ᠣᠣᠭᠤᠬᠤ ᠪᠦᠭᠡᠳ ᠰᠢᠷᠤᠢ ᠶᠢ ᠨᠢ ᠨᠤᠨᠳᠠᠭᠯᠠᠭᠠᠳ ᠤᠰᠤ ᠪᠠᠷ | ᠳᠠᠷᠣᠭᠤᠯᠣᠨ ᠣᠣᠭᠤᠬᠤ ᠪᠠ ᠰᠢᠪᠠᠭ᠋ᠤ ᠡᠮ ᠪᠣᠯᠭᠠᠵᠤ ᠪᠣᠯᠣᠨᠠ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ᠡᠨᠡ ᠳ᠋ᠦᠩ ᠤᠨ ᠡᠮ | ᠨᠢ ᠳᠣᠲᠣᠷ ᠪᠦᠭᠡᠷᠡᠨ ᠤ ᠦᠷᠪᠢᠰᠦᠯ ᠤᠨ ᠡᠪᠡᠳᠴᠢᠲᠡᠨ ᠢ ᠮᠠᠰᠢ ᠣᠯᠠᠨ ᠡᠳᠡᠭᠡᠵᠡᠢ ᠭᠡᠨᠡ᠃ | ︵ᠬᠤᠩ ᠮᠠ ᠯᠢᠶᠠᠨ ᠬᠠᠩᠭᠠᠪᠠ︶ |