| ᠡᠹᠦ᠋ ᠵᠠᠩᠵᠤᠨ ᠪᠠᠷᠰ ᠪᠠᠷᠢᠬᠤ ᠶᠢᠨ ᠲᠦᠯᠤᠭᠡ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠭᠰᠠᠨ ᠲᠡᠷᠡ ᠴᠠᠭ ᠲᠤ᠂ ᠲᠠᠪᠤᠨ | ᠪᠠᠷᠰ ᠤᠨ ᠨᠢᠭᠡ ᠨᠢ ᠠᠮᠢ ᠮᠤᠯᠳᠤᠷᠠᠨ ᠪᠠᠷᠢᠮᠳᠠ ᠶᠢᠨ ᠵᠡᠭᠦᠨᠳᠡᠬᠢ ᠲᠠᠪᠤᠨ ᠬᠤᠳᠳᠤᠭ ᠤᠨ ᠵᠢᠯᠠᠭᠠ ᠶᠢ ᠭᠡᠳᠤᠯᠵᠦ | ᠡᠹᠦ᠋ ᠶᠢᠨ ᠵᠢᠯᠠᠭᠠ ᠶᠢᠨ ᠪᠠᠷᠠᠭᠤᠨᠳᠠᠬᠢ ᠦᠨᠳᠤᠷ ᠠᠭᠤᠯᠠᠨ ᠳᠤ ᠰᠢᠷᠭᠤᠨ ᠤᠷᠤᠵᠦ ᠠᠮᠢ ᠮᠤᠯᠳᠤᠷᠠᠪᠠ ᠬᠡᠨᠡ᠃ | ᠡᠹᠦ᠋ ᠪᠠᠨ ᠠᠯᠳᠠᠭᠰᠠᠨ ᠬᠦᠩᠵᠦ ᠬᠢᠭᠡᠳ ᠬᠤᠶᠠᠭ ᠴᠡᠷᠢᠭ ᠡᠮᠭᠡᠨᠢᠯ ᠭᠠᠰᠢᠭᠤᠳᠠᠯ ᠢᠶᠠᠨ ᠬᠤᠷᠤᠰᠤᠯ ᠪᠤᠯᠭᠠᠵᠦ᠂ | ᠦᠯᠡᠳᠡᠭᠰᠡᠨ ᠲᠡᠷᠡ ᠪᠠᠷᠰ ᠢ ᠵᠠᠪᠠᠯ ᠪᠠᠷᠢᠬᠤ ᠪᠠᠷ ᠠᠨᠳᠠᠭᠠᠢ ᠲᠠᠯᠪᠢᠵᠦ ᠠᠩᠨᠠᠨ ᠤᠷᠤᠪᠡ᠃ ᠠᠭᠤᠯᠠ ᠦᠨᠳᠤᠷ᠂ | ᠰᠢᠭᠤᠢ ᠢᠭᠴᠤ᠂ ᠵᠢᠯᠠᠭᠠ ᠠᠭᠤᠳᠠᠮ ᠪᠠᠷᠳᠠᠭᠠ ᠶᠡᠭᠡ ᠲᠤᠯᠠ ᠬᠡᠳᠤᠨ ᠮᠢᠩᠭᠠᠨ ᠴᠡᠷᠢᠭ ᠮᠤᠷᠢ ᠬᠡᠳᠤᠨ ᠰᠠᠷᠠ | ᠬᠤᠮᠤᠷᠭᠠᠯᠠᠨ ᠠᠩᠨᠠᠭᠰᠠᠨ ᠪᠤᠯᠪᠠᠴᠤ ᠰᠢᠷᠬᠠᠳᠤᠭᠰᠠᠨ ᠪᠠᠷᠰ ᠢ ᠤᠯᠤᠭᠰᠠᠨ ᠦᠭᠡᠢ᠂ ᠭᠦᠩᠵᠤ ᠬᠤᠶᠠᠭ ᠴᠡᠷᠢᠭ ᠢᠶᠠᠨ | ᠲᠠᠭᠠᠭᠤᠯᠵᠦ ᠡᠨᠡ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠡᠩᠭᠡᠷ᠂ ᠪᠠᠷᠢᠮᠳᠠ ᠬᠠᠳᠠ ᠶᠢᠨ ᠠᠰ ᠵᠡᠭᠦᠨ ᠳᠤ ᠤᠷᠳᠤᠨ ᠪᠠᠭᠤᠳᠠᠯ | ᠢᠶᠠᠨ ᠪᠠᠶᠢᠭᠤᠯᠵᠦ᠂ ᠡᠳᠤᠷᠵᠢᠨ ᠰᠦᠨᠢᠵᠢᠨ ᠡᠹᠦ᠋ ᠪᠠᠨ ᠲᠤᠷᠠᠰᠤᠨ ᠡᠩᠰᠡᠷᠡᠨ ᠡᠮᠭᠡᠨᠢᠵᠦ ᠪᠠᠶᠢᠵᠦ ᠭᠡᠨᠡ᠃ ᠤᠴᠢᠷ | ᠨᠢ ᠪᠡᠭᠡᠵᠢᠩ ᠳᠤ ᠪᠠᠷᠰ ᠬᠦᠷᠭᠡᠬᠦ ᠡᠳᠤᠷ ᠬᠤᠭᠤᠴᠠᠭᠠ ᠨᠢᠭᠡᠨᠳᠡ ᠦᠩᠭᠡᠷᠡᠵᠦ᠂ ᠬᠦᠩᠵᠤ ᠦᠪᠡᠷ ᠢᠶᠠᠨ ᠦᠬᠦᠬᠦ | ᠦᠭᠡᠢ ᠴᠦ ᠠᠯᠠᠭᠳᠠᠬᠤ ᠶᠠᠯᠠ ᠲᠠᠢ ᠪᠤᠯᠤᠭᠠᠳ᠂ ᠡᠷᠬᠢᠮ ᠤᠷᠳᠤᠨ ᠤ ᠬᠡᠭᠡᠨᠴᠢᠷ ᠭᠦᠩᠵᠤ ᠴᠦ ᠡᠭᠡᠯ ᠵᠢᠷ ᠤᠨ | ᠠᠷᠠᠳ ᠢ ᠬᠦᠷᠬᠦ ᠦᠭᠡᠢ᠂ ᠲᠦᠮᠡᠨ ᠠᠭᠤᠯᠠ ᠮᠢᠩᠭᠠᠨ ᠤᠰᠤᠨ ᠤ ᠠᠯᠤᠰ ᠠᠴᠠ ᠲᠦᠷᠤ ᠶᠢᠨ ᠲᠦᠪ ᠪᠡᠭᠡᠵᠢᠩ ᠢ | ᠲᠤᠷᠠᠰᠪᠠᠴᠤ᠂ ᠲᠦᠷᠤ ᠲᠠᠢ ᠬᠠᠷᠭᠤᠵᠦ ᠲᠦᠷᠢᠮ ᠠᠴᠠ ᠵᠦᠷᠢᠴᠡᠭᠰᠡᠨ ᠭᠡᠬᠦ ᠲᠤᠯᠠ ᠵᠦᠪᠬᠡᠨ ᠬᠦᠳᠡᠭᠡ ᠠᠭᠤᠯᠠᠨ | ᠳᠤ ᠬᠤᠷᠭᠤᠳᠠᠨ ᠠᠩ ᠠᠩᠨᠠᠵᠦ ᠠᠮᠢᠳᠤᠷᠠᠬᠤ ᠠᠴᠠ ᠦᠭᠡᠷᠡ ᠵᠠᠮ ᠦᠭᠡᠢ ᠪᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ | ᠠᠷᠠᠳ ᠬᠢᠭᠡᠳ ᠭᠦᠩᠵᠤ ᠶᠢᠨ ᠴᠡᠷᠢᠭ ᠬᠤᠶᠠᠭ᠂ ᠵᠠᠷᠤᠴᠠ ᠢᠨᠵᠢ ᠨᠠᠷ ᠲᠠᠪᠤᠨ ᠪᠠᠷᠰ ᠤᠨ ᠨᠢᠭᠡ ᠨᠢ ᠠᠮᠢ | ᠮᠤᠯᠳᠤᠷᠠᠭᠰᠠᠨ ᠡᠨᠡ ᠬᠦ ᠠᠭᠤᠯᠠ ᠶᠢ《 ᠲᠠᠪᠦ ᠨᠢᠭᠡ ᠶᠢᠨ ᠠᠭᠤᠯᠠ》 ᠬᠡᠮᠡᠨ ᠨᠡᠷᠡᠶᠢᠳᠤᠭᠡᠳ ᠡᠹᠦ᠋ ᠪᠠᠨ | ᠲᠤᠷᠠᠰᠬᠠᠬᠤ ᠶᠢᠨ ᠲᠦᠯᠤᠭᠡ ᠡᠨᠡ ᠠᠭᠤᠯᠠᠨ ᠤ ᠪᠠᠷᠠᠭᠤᠨ ᠡᠩᠭᠡᠷ ᠲᠤ ᠭᠦᠩᠵᠤ ᠭᠤᠷᠪᠠᠨ ᠵᠢᠯ ᠰᠠᠭᠤᠪᠠ ᠭᠡᠨᠡ᠃ | ᠡᠳᠤᠭᠡ ᠶᠢᠨ ᠵᠠᠷᠤᠳ ᠬᠤᠰᠢᠭᠤᠨ ᠤ ᠪᠠᠶᠠᠷᠳᠤᠬᠤᠰᠢᠭᠤ ᠪᠠᠯᠭᠠᠰᠤᠨ ᠠᠴᠠ ᠡᠮᠤᠨᠡᠰᠢ 30 ᠭᠠᠵᠠᠷ ᠤᠨ ᠦᠵᠤᠭᠦᠷ | ᠲᠠᠬᠢ ᠬᠠᠶᠢᠷᠬᠠᠨ ᠬᠠᠨ ᠠᠭᠤᠯᠠ ᠶᠢᠨ ᠡᠮᠤᠨᠡ 25 ᠭᠠᠵᠠᠷ ᠲᠤ 304 ᠳ᠋ᠤᠭᠡᠷ ᠤᠯᠤᠰ ᠤᠨ ᠵᠠᠰᠠᠮᠠᠯ ᠵᠠᠮ ᠤᠨ | ᠵᠡᠭᠦᠨᠳᠠᠢ ᠰᠡᠭᠦᠶᠢᠨ ᠲᠦᠨᠳᠤᠶᠢᠭ᠍ᠰᠡᠨ ᠬᠠᠳᠠᠳᠤ ᠠᠭᠤᠯᠠ ᠪᠤᠯ ᠲᠠᠷᠤᠢ《 ᠲᠠᠪᠦ ᠨᠢᠭᠡ ᠶᠢᠨ ᠠᠭᠤᠯᠠ》 ᠪᠤᠯᠤᠨᠠ᠃ | ᠠᠷᠠᠳ ᠤᠨ ᠵᠠᠷᠢᠮ ᠶᠠᠷᠢᠶᠠᠨ ᠳᠤ ᠡᠨᠡ ᠠᠭᠤᠯᠠ ᠶᠢ ᠪᠠᠰᠠ《 ᠲᠠᠪᠤᠨᠠᠩ ᠤᠨ ᠠᠭᠤᠯᠠ》 ᠭᠡᠵᠦ ᠬᠡᠯᠡᠳᠡᠭ᠃ | ᠲᠠᠪᠤᠨᠠᠩ ᠬᠡᠮᠡᠭᠴᠢ ᠮᠠᠨᠵᠤ ᠬᠡᠯᠡᠨ ᠳᠠᠬᠢ ᠬᠠᠭᠠᠨ ᠤ ᠬᠦᠷᠭᠡᠨ《 ᠡᠹᠦ᠋》 ᠶᠢᠨ ᠶᠤᠰᠤᠳᠠᠢ ᠮᠤᠩᠭᠤᠯ ᠨᠡᠷᠡᠶᠢᠳᠤᠯ | ᠮᠥᠨ᠃ ᠮᠢᠨᠤ ᠦᠵᠡᠬᠦ ᠪᠠᠷ《 ᠲᠠᠪᠤᠨᠠᠩ》 ᠭᠡᠳᠡᠭ ᠨᠢ《 ᠲᠠᠪᠦ ᠨᠢᠭᠡ》 ᠶᠢᠨ ᠲᠠᠰᠢᠶᠠ ᠲᠠᠭᠤᠳᠠᠯᠭᠠ ᠪᠠᠶᠢᠵᠦ | ᠮᠡᠳᠡᠨᠡ᠃ ᠡᠰᠡᠭᠦᠯᠡ ᠠᠷᠠᠳ ᠢᠷᠭᠡᠳ ᠲᠡᠤᠬᠡ ᠶᠢᠨ ᠦᠨᠡᠨ ᠢ ᠦᠯᠤ ᠮᠡᠳᠡᠬᠦ ᠲᠤᠯᠠ ᠡᠹᠦ᠋ ᠶᠢ ᠬᠠᠭᠠᠨ ᠤ ᠬᠦᠷᠭᠡᠨ | ᠬᠡᠮᠡᠨ ᠠᠳᠡᠭᠦᠷᠡᠵᠦ ᠲᠠᠪᠤᠨᠠᠩ ᠤᠨ ᠠᠭᠤᠯᠠ ᠬᠡᠮᠡᠨ ᠨᠡᠷᠡᠶᠢᠳᠤᠭ᠍ᠰᠡᠨ ᠴᠦ ᠪᠠᠶᠢᠵᠤ ᠮᠡᠳᠡᠨᠡ᠃ | | ︵ᠬᠤᠩ ᠮᠠ ᠯᠢᠶᠠᠨ ᠬᠠᠩᠭᠠᠪᠠ︶ |