| | ᠸᠴᠢᠷ ᠲᠠᠮᠤ ᠶᠢᠨ ᠰᠢᠷᠭᠤᠭᠤᠯ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠰᠢ 60 ᠰᠢᠬᠠᠮ ᠮᠧᠲᠷ ᠶᠠᠪᠣᠪᠠᠯ ᠠᠭᠤᠯᠠᠨ ᠤ ᠠᠷᠤ | ᠲᠣᠬᠤ ᠶᠢᠨ ᠭᠦᠨ ᠬᠠᠪᠴᠢᠯ ᠳᠤ ᠨᠢᠭᠡᠨ ᠴᠠᠪᠴᠢᠮᠠ ᠬᠠᠳᠠ ᠰᠠᠳᠠ ᠣᠴᠢᠵᠤ᠂ ᠰᠡᠯᠡᠮᠡ ᠵᠢᠳᠠ ᠰᠢᠭ᠋ ᠬᠤᠶᠠᠷ | ᠱᠤᠷᠣᠩ ᠪᠣᠯᠵᠤ ᠰᠡᠭᠦᠶᠢᠭᠡᠳ ᠦᠵᠡᠭᠰᠡᠨ ᠬᠦᠮᠦᠨ ᠢ ᠭᠠᠶᠢᠬᠠᠯ ᠲᠦᠷᠦᠭᠦᠯᠵᠦ᠂ ᠦᠯᠢᠢᠭᠰᠡᠨ ᠬᠦᠮᠦᠨ ᠤ | ᠮᠠᠯᠠᠭᠠᠢ ᠶᠢ ᠨᠢ ᠣᠨᠠᠭᠠᠳᠠᠭ᠃ ᠲᠡᠭᠦᠨ ᠢ ︽ᠡᠷᠯᠢᠭ ᠤᠨ ᠡᠭᠦᠳᠡ ᠶᠢᠨ ᠰᠢᠷᠭᠤᠭᠤᠯ︾ ᠭᠡᠬᠦ ᠪᠤᠶᠤ ︽ᠡᠷᠯᠢᠭ ᠤᠨ | ᠬᠠᠷᠠ ᠴᠠᠭᠠᠨ ᠵᠠᠮ︾ ᠭᠡᠳᠡᠭ᠃ ᠭᠡᠰᠡᠷ ᠪᠤᠭᠲᠠ ᠬᠢᠯᠪᠠᠩ ᠰᠢᠷᠠ ᠶᠢ ᠸᠴᠢᠷ ᠲᠠᠮᠤ ᠪᠠᠷ ᠲᠡᠮᠦᠯᠡᠵᠦ᠂ ᠣᠷᠴᠢᠯᠠᠩ | ᠶᠢᠷᠲᠢᠨᠴᠦ ᠶᠢᠨ ᠠᠷᠭᠠ ᠪᠢᠯᠢᠭ ᠤᠨ ᠶᠣᠰᠤ ᠳᠥᠷᠢᠮ ᠠᠴᠠ ᠵᠦᠷᠢᠴᠡᠭᠰᠡᠨ ᠶᠠᠯᠠ ᠨᠢᠭᠦᠯ ᠢ ᠨᠢ ᠵᠠᠯᠬᠠᠭᠠᠭᠰᠠᠨ ᠠᠴᠠ | ᠰᠡᠭᠦᠯᠡᠷ᠂ ᠡᠷᠯᠢᠭ ᠤᠨ ᠡᠵᠡᠨ ᠢ ᠳᠠᠭᠤᠳᠠᠵᠤ ᠡᠨᠡ ᠭᠠᠵᠠᠷ ᠲᠤ ᠡᠭᠦᠳᠡ ᠨᠡᠬᠡᠬᠡᠯᠭᠡᠵᠦ᠂ ᠬᠢᠯᠪᠠᠩ ᠰᠢᠷᠠ ᠶᠢ ᠡᠨᠡ | ᠡᠭᠦᠳᠡ ᠪᠠᠷ ᠣᠷᠣᠭᠤᠯᠵᠤ ᠶᠠᠯᠠ ᠨᠢᠭᠦᠯ ᠬᠢᠭᠰᠡᠨ ᠲᠦᠮᠡᠨ ᠴᠢᠳᠭᠦᠷ ᠢ ᠰᠢᠢᠳᠭᠡᠵᠦ ᠪᠠᠶᠢᠬᠤ ᠶᠢ ᠦᠵᠡᠭᠦᠯᠦᠭᠡᠳ᠂ | ᠪᠤᠷᠣ ᠲᠣᠭᠤᠰᠤᠨ ᠤ ᠬᠡᠨ ᠬᠦᠮᠦᠨ ᠶᠠᠯᠠ ᠨᠢᠭᠦᠯ ᠦᠢᠯᠡᠳᠪᠡᠯ ᠡᠨᠡ ᠡᠭᠦᠳᠡ ᠪᠠᠷ ᠳᠣᠲᠣᠭᠰᠢ ᠣᠷᠣᠭᠤᠯᠵᠤ ᠪᠤᠭ | ᠴᠢᠳᠭᠦᠷ ᠰᠢᠭ ᠳᠠᠷᠣᠩᠭᠤᠶᠢᠯᠠ ᠭᠡᠵᠦ ᠵᠠᠷᠯᠢᠭ ᠪᠣᠯᠣᠭᠰᠠᠨ ᠪᠦᠭᠡᠳ ᠬᠠᠷᠠ ᠲᠡᠷᠢᠭᠦᠲᠡᠨ ᠶᠠᠯᠠ ᠨᠢᠭᠦᠯ ᠬᠢᠭᠰᠡᠨ ᠪᠣᠯ | ᠡᠷᠯᠢᠭ ᠤᠨ ᠬᠠᠷᠠ ᠡᠭᠦᠳᠡ ︵ᠪᠣᠰᠤᠭᠠ ᠬᠤᠶᠠᠷ ᠬᠠᠳᠠ ᠶᠢᠨ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠶᠢᠨ ᠬᠠᠲᠠ ᠶᠢ ᠡᠷᠯᠢᠭ ᠤᠨ | ᠬᠠᠷᠠ ᠵᠠᠮ ᠪᠣᠶᠤ ᠬᠠᠷᠠ ᠡᠭᠦᠳᠡᠨ ᠭᠡᠳᠡᠭ︶ ᠪᠠᠷ ᠰᠢᠷᠭᠤᠭᠤᠯᠵᠤ᠂ ᠨᠢᠭᠦᠯ ᠳᠡᠭᠡᠨ ᠬᠡᠮᠰᠢᠨ ᠰᠡᠳᠭᠢᠯ ᠪᠤᠳᠣᠯ ᠢᠶᠠᠨ | ᠵᠠᠰᠠᠵᠤ᠂ ᠳᠠᠬᠢᠵᠤ ᠨᠢᠭᠦᠯ ᠬᠢᠬᠦ ᠦᠭᠡᠢ ᠪᠣᠯ ᠢᠷᠡᠬᠦ ᠲᠥᠷᠦᠯ ᠳᠤᠨᠢ ᠰᠠᠶᠢᠨ ᠬᠡᠪᠡᠯᠢ ᠳᠤ ᠵᠠᠶᠠᠭᠠᠯᠭᠠᠨᠠ᠃ ᠨᠢᠭᠦᠯ | ᠬᠢᠯᠢᠨᠴᠡ ᠬᠢᠭᠰᠡᠨ ᠦᠭᠡᠢ ᠪᠠᠷ ᠡᠪᠡᠳᠴᠢᠨ ᠲᠠᠬᠤᠯ ᠳᠤ ᠳᠠᠷᠣᠯᠠᠭᠳᠠᠭᠰᠠᠳ ᠢ ᠡᠷᠯᠢᠭ ᠤᠨ ᠴᠠᠭᠠᠨ ᠵᠠᠮ ︵ᠵᠡᠭᠦᠨ | ᠭᠠᠷ ᠲᠠᠯᠠ ᠶᠢᠨ ᠪᠤᠰᠤᠭᠠ ᠬᠠᠳᠠ ᠶᠢ ᠡᠷᠯᠢᠭ ᠤᠨ ᠴᠠᠭᠠᠨ ᠡᠭᠦᠳᠡ ᠪᠣᠶᠤ ᠴᠠᠭᠠᠨ ᠵᠠᠮ ᠭᠡᠳᠡᠭ︶ ᠢᠶᠠᠷ | ᠰᠢᠷᠭᠤᠭᠤᠯᠵᠤ᠂ ᠪᠤᠳᠣᠯ ᠤᠨ ᠨᠢᠭᠦᠯ ᠰᠡᠳᠭᠢᠯ ᠤᠨ ᠬᠢᠯᠢᠨᠴᠡ ᠶᠢ ᠨᠢ ᠲᠠᠶᠠᠭᠳᠠᠭᠤᠯᠵᠤ᠂ ᠡᠪᠡᠳᠴᠢᠨ ᠡᠮᠭᠡᠭ ᠢ ᠨᠢ | ᠠᠷᠢᠯᠭᠠᠵᠤ ᠡᠷᠡᠭᠦᠯ ᠰᠠᠷᠠᠭᠤᠯ ᠶᠠᠪᠣᠭᠤᠯ ᠭᠡᠵᠦ ᠵᠠᠷᠯᠢᠭ ᠪᠣᠯᠣᠭᠰᠠᠨ ᠠᠴᠠ ᠲᠡᠷᠡ ᠬᠦ ᠬᠤᠶᠠᠷ ᠪᠣᠰᠤᠭᠠ ᠬᠠᠳᠠ ᠨᠢ ︽ | ᠡᠷᠯᠢᠭ ᠤᠨ ᠬᠠᠷᠠ ᠴᠠᠭᠠᠨ ᠡᠭᠦᠳᠡ ᠶᠢᠨ ᠰᠢᠷᠭᠤᠭᠤᠯ︾ ᠪᠣᠯᠵᠤ ᠭᠡᠨᠡ᠃ ᠬᠤᠵᠢᠮ ᠤᠨ ᠬᠦᠮᠦᠰ ᠰᠡᠳᠬᠢᠯ ᠤᠨ | ᠨᠢᠭᠦᠯ ᠪᠤᠳᠣᠯ ᠤᠨ ᠪᠣᠵᠠᠷ ᠢᠶᠠᠨ ᠠᠷᠢᠯᠭᠠᠵᠤ᠂ ᠣᠷᠢᠲᠤ ᠨᠠᠰᠣᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ ᠬᠦᠰᠡᠨ ᠡᠨᠡ | ᠰᠢᠷᠭᠤᠭᠤᠯ ᠳᠤ ᠰᠢᠷᠭᠤᠳᠠᠭ ᠭᠡᠨᠡ᠃ | ︵ ᠬᠤᠩ ᠮᠠ ᠯᠢᠶᠠᠨ ᠬᠠᠩᠭᠠᠪᠠ︶ |